ԲՐԻԿՍ-ը աջակցում է ՄԱԿ-ին՝ որպես գլոբալ կառավարման և միջազգային հարաբերություններում բազմակողմանիության կենտրոնական մեխանիզմ, «ՌԻԱ Նովոստի»-ին ասել է Բրազիլիայի արտաքին գործերի նախարարության գիտության, տեխնոլոգիաների, նորարարության և մտավոր սեփականության դեպարտամենտի տնօրեն Էուջենիո Վարգաս Գարսիան։
«Մեր դիրքորոշումը, որը արտացոլում է BRICS-ի անդամների միջև քննարկման ընթացքը, այն է, որ մեզ անհրաժեշտ է ՄԱԿ-ը՝ առաջ շարժվելու համար», – ասել է Վարգաս Գարսիան։
Գործակալության զրուցակիցը նշել է, որ ՄԱԿ-ի հասցեին քննադատությանը չնայած, կոնսենսուսային որոշումների մշակման, ինչպես նաև միջազգային հարաբերությունների համակարգի մասնատվածության և երկրների միջև անհամաձայնությունների հաղթահարման համար ավելի լավ հարթակ չկա։
«Շատ այլ երկրներ շատ ագրեսիվ են ՄԱԿ-ի նկատմամբ իրենց քննադատության մեջ։ Բազմակողմ համակարգը բազմաթիվ կողմերից հարձակման է ենթարկվում, ուստի, մենք պետք է պաշտպանենք բազմակողմանիությունը։ Սա շատ կարևոր հարց է BRICS-ի համար», – կիսվել է Վարգաս Գարսիան։
