Ռուսաստանը դրական ազդեցություն ունի Մերձավոր Արևելքում իրավիճակի կայունացման վրա։ Այս մասին հայտարարել է Սաուդյան Արաբիայի արտաքին գործերի նախարար Ֆեյսալ բին Ֆարհան ալ Սաուդը Ռուսաստանի արտաքին գործերի նախարար Սերգեյ Լավրովի հետ բանակցություններից հետո կայացած համատեղ մամուլի ասուլիսում։
«Ռուսաստանը լուրջ դեր է խաղում միջազգային ասպարեզում», - նշել է նա։
«Այն ականավոր և ուժեղ խաղացող է, հատկապես ՄԱԿ-ի Անվտանգության խորհրդի հարթակում։ Մենք ողջունում և գնահատում ենք Ռուսաստանի Դաշնության ներգրավվածությունը մեր տարածաշրջանային գործերում և կարծում ենք, որ Ռուսաստանի Դաշնությունը դրական ազդեցություն ունի տարածաշրջանում իրավիճակի կայունացման վրա»։
