ԼՂ-ի մշակութային միջավայրը գտնվում է իսպառ ոչնչացման սպառնալիքի տակ․ Համահայկական միություն

20.05.2024 18:21 | Կատեգորիա Քաղաքական

Ադրբեջանական քաղաքական վանդալիզմը երեսպաշտական ցինիզմի մակարդակի է հասել «թեյախմությունների» և նավթադոլլարների շուրջ անդրկուլիսային առք ու վաճառքի հետևանքով։ «Արմենպրես»-ի փոխանցմամբ՝ այս մասին հայտարարություն է տարածել «Գարդման-Շիրվան-Նախիջևան» համահայկական միությունը՝ դատապարտելով ՅՈՒՆԵՍԿՕ-ի անհամաչափ քաղաքականությունը ընթացիկ իրողությունների նկատմամբ։«Ադրբեջանի նախագահի օգնական Հիքմեթ Հաջիևը շարունակում է իր երեսպաշտական գործունեությունը՝ միջազգային հանրությանը և միջազգային կազմակերպությունների ներկայացուցիչներին մոլորեցնելու և գեղեցիկ ձևակերպումների տակ հայկական էթնոցիդի իրողությունը թաքցնելու համար։Հաջիևը հայտնել է, որ «լայն և բաց քննարկումներ է անցկացրել Բաքվում ՅՈՒՆԵՍԿՕ-ի անդամ երկրների մշտական ներկայացուցիչների և դեսպանների հետ»։ Հետաքրքրական է, թե որքանով էր իրականում լայն և ինչ առումներով էր բաց ցեղասպանությունների փուլային պրակտիկա իրականացնող երկրի պաշտոնյայի վարած հանդիպումը։ Արդոք Հաջիևի պատկերացրած քննարկման «լայնությունը» ուղիղ համեմատական էր հայկական մշակույթի նկատմամբ ադրբեջանական հանցագործությունների շարքին և բաց այնքան, որքան, օրինակ, Հին Ջուղայի ավերված հայկական գերեզմանատունը՝ միջազգային հանրության համար։Հաջիևը եզրակացրել է, թե «ՅՈՒՆԵՍԿՕ-ն պատկանում է բոլորիս և ողջ միջազգային հանրությանը։ Մենք պետք է ավելի պաշտպանենք և զարգացնենք այս կազմակերպությունը»։ Այստեղ խիստ խնդրահարույց է, թե ինչ է պատկերացնում Ադրբեջանի նախագահի օգնականը ՅՈՒՆԵՍԿՕ-ի պաշտպանության և զարգացման տեսլականի տակ։ Արդյոք նա ակնարկել է այն նույն նավթադոլլարների մասին, որոնք ապահովեցին ՅՈՒՆԵՍԿՕ-ի լռությունը Հին Ջուղայի հայկական գերեզմանատան ոչնչացման ժամանակ։Այսօր Լեռնային Ղարաբաղի ողջ մշակութային միջավայրը գտնվում է իսպառ ոչնչացման ամենաիրական սպառնալիքի տակ։ Հայկական կրոնական, ազգային-հոգևոր կառույցները, ամբողջական բնակավայրեր ոչնչացվում, պղծվում, նենգախեղվում և այլակերպվում են, իսկ ՅՈՒՆԵՍԿՕ-ի ներկայացուցիչները, որոնք դեռ 2020 թ․ պատերազմից հետո պետք է ներկայացված լինեին Լեռնային Ղարաբաղում, թեյախմությամբ են զբաղվում ավելի քան 150 հազար հայերի էթնիկ զտման ճարտարապետներից մեկի հետ:«Գարդման-Շիրվան-Նախիջևան» համահայկական միությունը խստորեն դատապարտում է ՅՈՒՆԵՍԿՕ-ի անհամաչափ քաղաքականությունը ընթացիկ իրողությունների նկատմամբ։ Ադրբեջանական քաղաքական վանդալիզմն այլևս սահմաններ չճանաչող իրողություն է, որը երեսպաշտական ցինիզմի մակարդակի է հասել «թեյախմությունների» և նավթադոլլարների շուրջ անդրկուլիսային առք ու վաճառքի հետևանքով։ Հետևանքը՝ հնագույն քրիստոնեական քաղաքակրթական օջախների, եզակի ճարտարապետական հորինվածքներով շինությունների, մշակութային ամբողջական համալիրների ոչնչացումն է։ Մենք պահանջում ենք ՅՈՒՆԵՍԿՕ-ից վերջ տալ լռության և հարմարվողականության «թեյասիրական» գործելաոճին և իրականացնել սեփական մանդատով ենթադրվող գործողությունները»,- ասված է հայտարարության մեջ:

Ամենաշատ կարդացվածներ

Մեծ քննարկում.Վենսի այցը Հայաստան (տեսանյութ)

11.02.2026 22:35 | Կատեգորիա Քաղաքական

Խոշոր ու ողբերգական ավտովթարի հետևանքով կա զոհ և վիրավորներ

11.02.2026 22:23 | Կատեգորիա Պատահարներ

Արտակարգ իրավիճակ Երևանի Դավիթ Բեկի պողոտայում․մարդաբոյ փոսերը 25-ից ավելի մեքենաների անվադողերն են պայթեցրել

11.02.2026 00:10 | Կատեգորիա Պատահարներ

Թողարկվել է iOS 26.3-ը, որում կարելի է գտնել բազմաթիվ նոր գործառույթներ

12.02.2026 00:40 | Կատեգորիա Ժամանց

Հենց նման բարդ իրավիճակներում են Հայաստանի պես պետությունների համար ի հայտ գալիս ոչ միայն ռիսկեր, այլ նաև՝ հնարավորություններ․ Ոսկանյան

10.02.2026 22:20 | Կատեգորիա Մտքեր

Վաղարշակ Հարությունյանին առաջարկել եմ գլխավորել մեր ցուցակը առաջիկա ԱԺ ընտրություններին․ Վահան Բաբայան

11.02.2026 19:48 | Կատեգորիա Մտքեր

Մարիամ Մերաբովային շնորհվել է ՌԴ վաստակավոր արտիստի կոչում

12.02.2026 00:10 | Կատեգորիա Ռուսաստան

Բժիշկը նշել է արագ քնելու պարզ միջոց

10.02.2026 23:20 | Կատեգորիա Բժշկություն

Փետրվարի 12-ին, 13-ին, 16-ին, 17-ին և 19-ին հարյուրավոր հասցեներում լույս չի լինելու

12.02.2026 00:20 | Կատեգորիա Հասարակություն

ՈՒՂԻՂ

Գիտնականներն առաջին անգամ ստեղծել են բյուրեղներ, որոնք հակասում են ֆիզիկայի օրենքներին