Թեհրանում Չինաստանի դեսպանատունը կոչ է անում իր քաղաքացիներին առայժմ ձեռնպահ մնալ Իրան մեկնելուց, քանի որ տարածաշրջանում անվտանգության ռիսկերը դեռևս բարձր են։
«Իսրայելը և Իրանը վերջերս հրադադարի համաձայնության եկան, սակայն տարածաշրջանում իրավիճակը մնում է խիստ անորոշ, իսկ Իրանում անվտանգության իրավիճակը շարունակում է մնալ լուրջ և բարդ։
Արտաքին գործերի նախարարության հյուպատոսական վարչությունը հիշեցրել է Չինաստանի քաղաքացիներին առայժմ ձեռնպահ մնալ Իրան այցելելուց», - ասվում է դիվանագիտական առաքելության հայտարարության մեջ, որը չորեքշաբթի օրը տեղադրվել է իր պաշտոնական WeChat էջում:
Դեսպանությունը խորհուրդ է տվել տարածաշրջանում գտնվող Չինաստանի քաղաքացիներին լավ հոգ տանել իրենց անվտանգության մասին, պատրաստ լինել արտակարգ իրավիճակներին և խուսափել «զգայուն գոտիներ» այցելելուց։
Միաժամանակ, ընդգծվում է, որ եթե Չինաստանի քաղաքացիները, այնուամենայնիվ, պնդեն Իրան մեկնելու հարցում, նրանք պետք է տեղյակ լինեն, որ «կարող են բախվել չափազանց բարձր անվտանգության ռիսկերի»։
