Գազայի հատվածում Իսրայելի կողմից գիշերը իրականացված օդային հարվածների հետևանքով զոհվել է առնվազն 16 մարդ, հայտնում է կատարական «Ալ Ջազիրա» հեռուստաալիքը։
Նրա խոսքով՝ անկլավի հարավում գտնվող Խան Յունիս քաղաքի մոտ գտնվող Էլ-Մավասի մարդասիրական գոտում փախստականների վրանների հրետակոծության ժամանակ զոհվել է առնվազն 10 պաղեստինցի, ևս 10-ը վիրավորվել են։
Հաղորդվել է նաև, որ Գազայի կենտրոնական մասում գտնվող Նուսեյրաթի բնակելի շենքի ռմբակոծության հետևանքով զոհվել է առնվազն վեց մարդ, վիրավորվել՝ 15-ը։ Դեյր ալ-Բալահ քաղաքի բնակելի թաղամասերի վրա անօդաչու թռչող սարքի հարվածի հետևանքով վիրավորվել է ևս առնվազն 10 մարդ։
