Ապարանում պտտահողմի հետևանքով առաջացած ավերածությունները ահռելի են։
Այս մասին հայտնում են Ապարանի համայնքապետարանից։«Ըստ նախնական տվյալների`վնասվել են՝-50 բնակելի տուն,-20 խանութ,-20 բազմաբնակարան շենքերի տանիքներ,-10 կազմակերպությունների տանիքներ, այդ թվում՝ Ապարանի թիվ 1 և թիվ 2 դպրոցները, արվեստի և մշակույթի կենտրոնների շենքերը, Ապարանի համայնքապետարանի, ոստիկանության, դատախազության, ԱԿԲԱ բանկի շենքերը և այլ հաստատություններ
։Բազմաթիվ բնակիչների տներում կոտրվել են պատուհանները, վնասվել են պատերն ու արտաքին հարդարանքը:Համայնքապետարանը, արտակարգ իրավիճակների ծառայությունները և պատկան մարմինները գործի են անցել ամբողջ ներուժով՝ գնահատելու վնասները և կազմակերպելու օգնության ու վերականգնման աշխատանքները»,-նշված է հաղորդագրության մեջ։
