Euromedia24 on Play Store Euromedia24 on App Sore
BNB

$606

BTC

$94812

ADA

$0.725194

ETH

$1806.58

SOL

$151.24

17 °

Yerevan

7 °

Moscow

42 °

Dubai

16 °

London

25 °

Beijing

15 °

Brussels

15 °

Rome

13 °

Madrid

BNB

$606

BTC

$94812

ADA

$0.725194

ETH

$1806.58

SOL

$151.24

17 °

Yerevan

7 °

Moscow

42 °

Dubai

16 °

London

25 °

Beijing

15 °

Brussels

15 °

Rome

13 °

Madrid

ՀՀ-ն և Ադրբեջանն առաջիկայում կհամաձայնեցնեն հանձնաժողովների կանոնակարգի նախագիծը և կներկայացնեն խորհրդարաններ. ԱՆ


Սահմանազատման գործընթացի շրջանակում առաջիկայում Հայաստանի ու Ադրբեջանի հանձնաժողովները կհամաձայնեցնեն հանձնաժողովների համատեղ գործունեության կանոնակարգի նախագիծը և կներկայացնեն խորհրդարանների հաստատմանը: Այս մասին NEWS.am-ին հաղորդում են ՀՀ արդարադատության նախարարությունից։Հաղորդագրության մեջ ասվում է. «Ազատություն ռադիոկայան»-ը 2024թ. մայիսի 17-ին հրապարակել է «Ադրբեջանին են անցնում դե յուրե ՀՀ տարածքներ. սահմանադրագետ» վերտառությամբ տեսանյութ (հասանելի է հետևյալ հղմամբ), որում սահմանադրագետ Վարդան Պողոսյանը մի շարք մոլորեցնող թեզեր են հնչեցրել, ընդ որում՝ արտահայտված մտքերը որոշակի տարածում ունեն նաև այլ հարթակներում, ինչով պայմանավորված՝ հարկ ենք համարում ստորև անդրադառնալ տեսանյութում ներկայացվող փաստարկներին․
Փաստարկ 1. Որպես Ադրբեջանի Խեյրումլի գյուղի՝ Հայաստանի Հանրապետությանը պատկանելության փաստարկ ներկայացվում են «Վարչատարածքային բաժանման մասին» ՀՀ օրենքի կարգավորումները, որոնցում արտացոլված է Կիրանց համայնքի վարչական սահմանի նկարագրությունը, ըստ որի Կիրանց գյուղական համայնքը սահմանակից է Բերքաբեր գյուղական համայնքին։Պատասխան - Այս անչությամբ հարկ է փաստել, որ տեսանյութում ցուցադրվող և վկայակոչվող օրենքի կարգավորումները ուժը կորցրած են ճանաչվել 09․06․2017թ-ին, այսինքն` սահմանազատման աշխատանքների իրականացման պահին տվյալ օրենքում այլևս առկա չի եղել Կիրանց համայնքի վարչական սահմանի նշված նկարագրությունը, մինչդեռ այդ մասին որևէ խոսք չկա տեսանյութում՝ այդպիսով հասարակության մոտ ստեղծելով թյուր տպավորություն այն մասին, որ ցուցադրվում և վկայակոչվում են գործող օրենսդրական կարգավորումներ։ Այնուամենայնիվ, անգամ ներկայացված պնդումն առ այն, որ Կիրանց համայնքը արևելքից «Բ»-«Գ» հատվածով սահմանակից է Բերքաբերին, ամենևին չի նշանակում, որ դա ներառել է Ադրբեջանական Խեյրումլի գյուղի տարածքը, քանի որ Կիրանց բնակավայրի՝ Բերքաբերին սահմանակից համարվելու համար Խեյրումլի գյուղը ներառելը պարտադիր պայման չէ։Բացի այդ, անվիճարկելի փաստ է, որ գոյություն է ունեցել Ադրբեջանական ԽՍՀ-ին պատկանող Խեյրումլի գյուղը, և Խորհրդային Միության փլուզման պահի դրությամբ գոյություն ունեցող իրավաբանորեն հիմնավորված քարտեզներով, այդ թվում ԽՍՀՄ ԳՇ 1976թ․ տեղագրական քարտեզով այդ գյուղը ունեցել է հստակ տարածք, և քարտեզով արտացոլված է դրա պատկանելիությունը Խորհրդային Ադրբեջանին։ Հետևաբար, Խեյրումլիի տարածքը որևէ պարագայում չի կարող դիտարկվել որպես Կիրանց բնակավայրի տարածք։Փաստարկ 2. Անդրադառնալով 1988թ․ հունվարի 12-ին ՀԽՍՀ և ԱԽՍՀ Նախարարների խորհուրդների փոխնախագահների կողմից հաստատված արձանագրությանը` նշվում է, որ Խորհրդային Միության տարիներին երկու երկրների Կառավարությունները ունեցել են սահմանը որոշելու իրավասություն:Պատասխան - Նախ անհրաժեշտ է ընդգծել, որ հղում չի կատարվում և չի էլ կարող կատարվել որևէ իրավական նորմի, որը խորհրդային հանրապետությունների կառավարություններին նման իրավասությամբ կօժտեր։ Միութենական հանրապետությունների միջև սահմանը որոշելու իրավասությունը ՀԽՍՀ և ԱԽՍՀ կառավարություններին վերապահված չլինելու մասին է վկայում նաև հենց քննարկվող արձանագրությունը. օժտված չլինելով համապատասխան իրավասությամբ` Նախարարների խորհուրդների փոխնախագահները չեն ավարտել աշխատանքները, այլ պայմանավորվել են սահմանագծման արդյունքում կազմվելիք քարտեզը ներկայացնել երկու երկրների ԳԽ նախագահություններին և Պետական երկրաբանական հսկողության տարածքային ստորաբաժանումներին հերթապահություն վարելու համար, ինչը չի արվել։Փաստարկ 3. ԽՍՀՄ ԳՇ 1976թ․ քարտեզը որևէ իրավական հիմք չունի, քանի որ որևէ պայմանագիր այդ տարիներին ՀԽՍՀ և ԱԽՍՀ միջև չի եղել։Պատասխան - Վ․ Պողոսյանը չի վկայակոչում այն հանգամանքը, որ հենց 1976թ․ քարտեզի վրա առկա ԽՍՀՄ Պետական երկրաբանական հսկողության տարածքային տեսչությունների (այդ թվում՝ Անդրկովկասի) ղեկավարների ստորագրություններով հավաստվում է, որ դրանց վրայի սահմանագիծը համապատասխանում է 1969թ․ ՀԽՍՀ և ԱԽՍՀ ԳԽ նախագահությունների որոշումների սահմանագծին։ Այսինքն՝ 1969թ․ և 1976թ․ քարտեզների սահմանագիծը նույնական է, իսկ 1969թ․ սահմանագիծը ընկած է նաև անընդհատ վկայակոչվող 1988թ․ արձնագրության և դրան նախորդող սահմանագծման աշխատանքների հիմքում։ Ինչ վերաբերում է 1988թ․ արձանագրությունների իրավական ուժին, ապա հարկ է փաստել, որ 1988թ․ հունվարի 12-ի ստորագրված արձանագրությամբ նախատեսված գործընթացի հետագա քայլերը չեն իրականացվել՝ համապատասխան  քարտեզ չի կազմվել, փաստաթղթերը չեն փոխանցվել ԳԽ նախագահություններին հաստատման և Պետական երկրաբանական հսկողության տարածքային ստորաբաժանումներին հերթապահություն վարելու համար։ Արդյունքում, արձանագրությամբ նախատեսվող գործընթացը մնացել է անավարտ և իրավական ուժ չի ստացել։Փաստարկ 4. Կիրանց բնակավայրի բնակիչներին Կադաստրի կոմիտեի կողմից իրավունքի գրանցման վկայականներ են տրամադրվել, հետևաբար այդ տարածքները ՀՀ տարածքներ են:Պատասխան - Պետք է փաստել, որ համապատասխան իրավունքների պետական գրանցումները կատարվել են ոչ ճշգրիտ տվյալների հիման վրա: Այդ գրանցումները չեն կարող իրավական հիմք հանդիսանալ պնդելու, որ անճշտությունների հիման վրա պետական գրանցումների կատարման փաստի ուժով խնդրո առարկա տարածքները համարվում են ՀՀ ինքնիշխան տարածքի մաս։Փաստարկ 5. Պետական սահմանը կարող էր սահմանազատվել միայն ամբողջ սահմանի վերաբերյալ համաձայնության հասնելուց հետո՝ միջազգային պայմանագրի հիման վրա:Պատասխան - Հարկ ենք համարում փաստել, որ իրականացվող գործընթացն իրենից ներկայացնում է պետական սահմանի վերարտադրության, այլ ոչ թե նոր սահմանի գծման գործընթաց։ Ներկայումս 1969թ․ ՀԽՍՀ և ԱԽՍՀ ԳԽ նախագահությունների որոշումներով հաստատված փաստաթղթերի և դրանց հիման վրա կազմված քարտեզներով առաջնորդվելով՝ վերարտադրվում է երկրների միջև ԽՍՀՄ տարիներին փոխհամաձայնեցված սահմանը՝ Ալմա Աթայի հռչակագրով փոխհամաձայնեցված սկզբունքների հիման վրա։ Հարկ է նկատել նաև, որ երկու երկրների հանձնաժողովների 2024 թվականի ապրիլի 19-ի հանդիպման արդյունքներով տարածված հաղորդագրությամբ մատնանշված է, որ 4 գյուղերի հատվածում սահմանազատումը նախնական է՝ մինչև սահմանազատման գործընթացի ամբողջական ավարտը: Իսկ սահմանազատման գործընթացի ամբողջական ավարտը հաստատող փաստաթուղթ պետք է արդեն հանդիսանա Հայաստանի և Ադրբեջանի միջև կնքվող Պետական սահմանի մասին միջազգային պայմանագիրը, որը վավերացման ենթակա կլինի ՀՀ Ազգային ժողովի կողմից:Հետևաբար իրականացվող գործընթացն ամբողջությամբ իրավաչափ է: Իրականացվող գործընթացի շրջանակում առաջիկայում նաև երկու հանձնաժողովները կհամաձայնեցնեն հանձնաժողովների համատեղ գործունեության կանոնակարգի նախագիծը և կներկայացնեն խորհրդարանների հաստատմանը»,- ասվում է հաղորդագրությունում։

Լրահոս

Օնլայն բուլինգի դեմ. Արքայազն Հարրին և Մեգան Մարքլը հիշում են զոհերին
Կանադայում կանցկացվեն արտահերթ խորհրդարանական ընտրություններ
Al Masirah. Եմենում ԱՄՆ-ի հարվածների հետևանքով զոհվել է առնվազն ութ մարդ
Ուկրաինայում առաջարկել են միանալ Ռուսաստանի և Բելառուսի միութենական պետությանը
Al Jazeera. Իսրայելի գործողությունների հետևանքով Գազայում 24 ժամվա ընթացքում ավելի քան 50 պաղեստինցի է զոհվել
Թրամփը Վատիկանում կարճ հանդիպում է անցկացրել Զելենսկիի հետ
Ինչ կասեք Ադրբեջանում գտնվող 23 հայ քաղբանտարկյալների մասին․ Ֆրանսիացի պատգամավորը՝ Կալլասին
Նեթանյահու. Իրանի գործարքը պետք է զրկի նրան ուրան հարստացնելու հնարավորությունից
Զելենսկին ավելի հանգիստ է դարձել և պատրաստ է գործարքի. Թրամփ
Ադրբեջանը միջազգային հետախուզման է հասել Մակրոնի նախկին թիկնապահի նկատմամբ
Պակիստանը Հնդկաստանին սպառնացել է միջուկային հարձակմամբ. Times of India
Ժիրինովսկու միջազգային անձնագիրն աճուրդում վաճառվել է 1,1 մլն ռուբլով (լուսանկար)
Անչելոտի, Կլոպ, Ալոնսո․․․ Անգլիական ակումբը նոր մարզիչ է ընտրում
Ուկրաինայում հայտնել են ԱՄՆ-ի հետ նոր պայմանավորվածությունների մասին
Ստամբուլում տեղի ունեցած երկրաշարժը վնասել է ավելի քան հազար շենք
Գազ չի լինի
Հռոմի պապն իր ողջ գումարը նվիրաբերել է անչափահասների բանտին․ The Economist
Մինսկը մտահոգված է Ուկրաինայից տարածվող անտառային հրդեհներով
Իրանի նախագահը կմեկնի Ադրբեջան
Վարչապետ Փաշինյանի գլխավորած պատվիրակությունը ժամանեց Էստոնիա

Լրացուցիչ նորություններ

...

Թրամփը Վատիկանում կարճ հանդիպում է անցկացրել Զելենսկիի հետ

Ինչ կասեք Ադրբեջանում գտնվող 23 հայ քաղբանտարկյալների մասին․ Ֆրանսիացի պատգամավորը՝ Կալլասին

Ադրբեջանը միջազգային հետախուզման է հասել Մակրոնի նախկին թիկնապահի նկատմամբ

Վարչապետ Փաշինյանի գլխավորած պատվիրակությունը ժամանեց Էստոնիա

Նիկոլ Փաշինյանը պաշտոնական այցով մեկնել է Էստոնիա

«Կրթությունը նորաձև է Երևանում»․ Փաշինյանը նոր տեսանյութ է հրապարակել

Կարևորում եմ ՀՀ-ԵՄ գործընկե­րության շրջանակներում Նիդերլանդների հետ համագործակցության զարգացումը․ Փաշինյան

Բանակը պետք է ուժեղացնել և ճիշտ արտաքին քաղաքականություն վարել․ Իշխան Սաղաթելյան (տեսանյութ)

Փաշինյանը դպրոցականների հետ կատարել է հայտնի «Լուսին» երգը (տեսանյութ)

Դատական պրոցեսը հետաձգվել է հարգելի պատճառներով․ Վարդան Ղուկասյանն ուղերձ է հղել (տեսանյութ)

Վահագն Խաչատուրյանը կարճ զրույց է ունեցել Մակրոնի հետ

ՀՀ նախագահը մասնակցել է Ֆրանցիսկոս պապի հուղարկավորության արարողությանը (տեսանյութ)

Նիկոլ Փաշինյանը կարևորել է տարբեր մարզաձևերում «ՀՀ վարչապետի գավաթ» սիրողական մրցաշարի անցկացումը (Լուսանկարներ)

ՀՀԿ պատվիրակությունը Մոսկվայում կմասնակցի «Единая Россия»-ի կազմակերպած կոնֆերանսին

ՀՀ նախագահի հետ քննարկեցի Հայաստան կատարելիք իմ այցը․ Կայա Կալաս

Նիկոլ Փաշինյանի իդեալը Իլհամ Ալիևն է․ Էդգար Ղազարյան (տեսանյութ)

Հայաստանի վերածնունդը՝ ըստ Արա Պապյանի (տեսանյութ)

Եթե այս իշխանությունը վերարտադրվի, մենք երանի ենք տալու նախկիններին Նինա Կարապետյանց (տեսանյութ)

«Ադրբեջանի ԱԳ նախարարությունը շարունակում է մանիպուլացնել իրավական գործընթացներում ընդունված ընթացակարգային որոշումները»․ Միջազգային իրավական հարցերով ՀՀ ներկայացուցիչ

Փաշինյանը ԱԱԾ ղեկավարի հետ ներկա է ՀՀ սահմանապահ զորքերի օրվա առթիվ կազմակերպված միջոցառմանը (տեսանյութ)