Ռուսաստանի արտգործնախարար Սերգեյ Լավրովը ժամանել է Թուրքիա՝ մասնակցելու համար Հարավային Կովկասի վերաբերյալ «3+3» հարթակի (Ադրբեջան, Հայաստան, Վրաստան-Ռուսաստան, Թուրքիա, Իրան) հանդիպմանը։Սերգեյ Լավրովի ինքնաթիռը վայրէջք է կատարել Ստամբուլի օդանավակայանում, հայտնել է ТАСС-ը։
Թուրքիայի արտգործնախարար Հաքան Ֆիդանը տեղեկացրել է, որ առաջիկա հանդիպմանը կմասնակցեն Հայաստանի, Ադրբեջանի, Իրանի և Ռուսաստանի արտգործնախարարները։ Վրաստանը հրաժարվել է մասնակցել հանդիպմանը:
ՌԴ ԱԳՆ պաշտոնական ներկայացուցիչ Մարիա Զախարովան ավելի վաղ ճեպազրույցում հայտնել էր, որ ՌԴ ԱԳՆ ղեկավարը հարթակի շրջանակում մի շարք երկկողմ հանդիպումներ կանցկացնի։
