Գործադիրը կրկին մեկ անձից գնում կկատարի՝ այս անգամ Ակադեմիական քաղաքի համար

17.10.2024 16:05 | Կատեգորիա Քաղաքական

«Ներկայացված նախագիծը Ակադեմիական քաղաքի տրանսպորտային և շարժունության նախագծի մշակման մասին է, և այս նախագծով առաջարկում ենք այդ ծառայությունները ձեռք բերել իտալական «Սիստեմատիկա» ընկերությունից»,-կառավարության նիստում զեկուցեց ԿԳՄՍ նախարար Ժաննա Անդրեասյանը՝ ներկայացնելով մեկ անձից գնման ընթացակարգով գործընթացի մասին որոշման նախագիծը:

Նա նշեց, որ այդ ընկերությունը ոլորտում հայտնի կազմակերպություն է, և,որ առաջադրանքի շրջանակներում նախատեսվում է ունենալ մի քանի հիմնարար արդյունք, որոնք կօգնեն «Ակադեմիական քաղաք» ծրագրի իրականացմանը:

«Ակադեմիական քաղաքի տրանսպորտային և շարժունության պլանը մեզ համար ունի առանձնահատուկ նշանակություն, և այս նախագծի շրջանակներում մենք արդյունքում ակնկալում ենք ստանալ տրանսպորտի և շարժունության մաստեր պլանը, որը կընդգրկի բոլոր այն գործողությունները, որոնք ներառելու են բոլոր հնարավոր տրանսպորտային ձևերի և ձևաչափերի վերլուծությունը և այդ իմաստով՝ նաև ծրագրի ռազմավարությունը»,-հայտնեց Անդրեասյանը:

Նախարարաը տեղեկացրեց,որ առանձին արդյունք է ծրագրով նախատեսված ճանապարհների դիզայնը կամ նախագիծը:

«Շատ կարևոր է, որ այս առաջադրանքի շրջանակներում իրականացվելու է նաև երկաթուղու նախնական տեխնիկատնտեսական վերլուծություն, որը թույլ է տալու անհրաժեշտ եզրակացություններ անել «Ակադեմիական քաղաք» ծրագրի իրականացման նպատակով»,- հայտնեց նախարարաը և տեղեկացրեց,որ ծրագրի իրականացման ժամանակահատվածը ութ ամիս է:

Ամենաշատ կարդացվածներ

Գերմանացի պաշտոնյաները հայտնվել են ռուսական ԱԹՍ-ի հարվածի գոտում

13.09.2026 22:05 | Կատեգորիա Համաշխարհային

Հայաստանի դեմ Ադրբեջանի սանձազարձած ագրեսիայի արդյունքում ունեցանք 224 զոհ. 5 հայ կին զինվորականներ տանջամահ արվեցին. Խաչատրյան

14.09.2026 02:05 | Կատեգորիա Հասարակություն

Վրաստանում օծել են «Ռուսաստանի և Վրաստանի ժողովուրդների բարեկամություն» սրբապատկերը՝ ռուսական տաճարներին փոխանցելու համար

13.09.2026 22:34 | Կատեգորիա Համաշխարհային