Իրանի նախագահ Էբրահիմ Ռաիսիի մահվանից հետո երկրի միապալատ խորհրդարանի՝ մեջլիսի առաջին բաց նիստը տեղի կունենա մայիսի 21-ին։ Այս մասին տեղեկացրել է Tasnim իրանական գործակալությունը։Նրա տեղեկացմամբ՝ «մեջլիսի բաց նիստը տեղի կունենա վաղն (մայիսի 21-ին) առավոտյան»։Մայիսի 19-ին Իրանի նախագահին տեղափոխող ուղղաթիռը կործանվել է Արեւեյան Ադրբեջան նահանգում։ Ինքնաթիռում էին գտնվում նաեւ արտաքին գործերի նախարար Հոսեյն Ամիր Աբդոլահիանն է, Արեւելյան Ադրբեջանի նահանգապետ Մալեք Ռահմաթին, Թավրիզ քաղաքի իմամ Մոհամադ Ալի Ալե Հաշեմը, նախագահական պահպանության պետ, Իսլամական հեղափոխության պահապանների կորպուսի գեներալ Մեհդի Մուսավին։ Իրանի Կարմիր մահիկի ընկերության ղեկավար Փիր Հոսեյն Քոլիվանդը տեղեկացրել է, որ բոլոր ուղեւորները եւ անձնակազմը զոհվել են։ Իրանի փոխնախագահ Մոհսեն Մանսուրին հաստատել է նախագահի մահը։
Ռաիսիի մահվանից հետո խորհրդարանի առաջին բաց նիստը տեղի կունենա մայիսի 21-ին. ԶԼՄ
20.05.2024 13:16 |
Կատեգորիա
Համաշխարհային
