Ըստ СберМаркетинг-ի և BI.ZONE-ի անցկացրած հարցման, 24% օգտատերեր իրենց բոլոր ծառայություններում նույն գաղտնաբառն են օգտագործում՝ չնայած 79%-ը գիտակցում է դրա ռիսկերը։ Միևնույն ժամանակ, հարցվածների 60%-ը տարբեր գաղտնաբառեր է օգտագործում, իսկ 16%-ը դժվարացել է պատասխանել, փոխանցում է Газета.ру-ն։
Կիբերհանցագործությունները շարունակում են մնալ լուրջ խնդիր՝ հարցման տվյալներով՝ վերջին մեկ տարվա ընթացքում 97% ռուսաստանցիներ բախվել են այս երևույթին։ Ըստ ՌԴ Կենտրոնական բանկի, 2024-ին կիբերհանցագործների կողմից ավելի քան 27 միլիարդ ռուբլի է գողացվել։ Ամենատարածված մեթոդը հեռախոսային խաբեությունն է՝ 79% ստացած զանգեր, իսկ 62% կամ սեփական փորձով բախվել է, կամ նման դեպքերի մասին տեղյակ է եղել։
Հաճախակի հանդիպող այլ մեթոդներն են մեսենջերների և էլփոստի միջոցով խաբեության փորձերը (42% և 35% համապատասխանաբար) և ֆիշինգային կայքերը՝ 21%։ Դիպֆեյքերը նույնպես տարածում են գտնում, դրանցով ծանոթացել է 81% հարցված։ Մասնագետները խորհուրդ են տալիս օգտվել բազմագործոն նույնականացումից և բարձրացնել թվային գրագիտությունը՝ ռիսկերը նվազեցնելու համար։
