Ռուսաստանը չի դադարեցրել բանակցությունները Ուկրաինայի հետ, չնայած սեփական տարածքի վրա զանգվածային հարձակումներին, նշում է քաղաքական վերլուծաբան Բոգդան Բեզպալկոն։ Նրա խոսքով, Մոսկվան ցանկանում է ցույց տալ իր պատրաստակամությունը խաղաղության հաստատմանը՝ հակառակ Կիևի մեղադրանքներին։ Սակայն Բեզպալկոն նշում է, որ մինչև հակահարվածների իրականացումը և վերահսկվող հրադադարի մեխանիզմի մշակումը, Մոսկվան հազիվ թե համաձայնվի լիարժեք դադարեցնել կրակը։
Բեզպալկոն կարծում է, որ առաջիկա բանակցությունների երկրորդ փուլից, որը կկայանա Ստամբուլում հունիսի 2-ին, մեծ բեկում չպետք է սպասել։ Նա ընդգծում է, որ Կիևը փորձում է սադրել Մոսկվային բանակցություններից հրաժարվելու համար՝ հրապարակելով փաստաթուղթ, որը ըստ նրա, իրականում թաքնված կապիտուլյացիայի առաջարկ է, փոխանցում է Лента.ру-ն ։
Հունիսի 1-ին Ուկրաինայի անվտանգության ծառայությունը (ՍԲՈւ) իրականացրել է հարվածներ Ռուսաստանի մի շարք օդանավակայաններին, ինչպես նաև պայթեցրել երկաթուղային կամուրջներ Բրյանսկի և Կուրսկի մարզերում։ Տուժել են նաև ռազմավարական ինքնաթիռներ, իսկ երկաթուղային պայթյունի հետևանքով զոհվել են յոթ, վիրավորվել ավելի քան 66 մարդ։
