X սոցիալական ցանցի սեփականատեր, Tesla-ի և SpaceX-ի հիմնադիր Իլոն Մասկը, ի տարբերություն այլ տեխնոլոգիական ընկերությունների ղեկավարների, չի կարողանում տարբերել բարին չարից։ Politico-ին տված հարցազրույցում նման կարծիք է հայտնել Եվրահանձնաժողովի (ԵՀ) փոխնախագահ Վերա Յուրովան։
«Մենք չարն սկսել ենք դիտարկել որպես պայմանական ինչ–որ բան, և նա ակտիվորեն օգնում է դրան: Նա չարիքի հովանավորն է»,- ասել է Յուրովան։
ԵՀ փոխնախագահի խոսքով՝ աշխարհի ամենահարուստ մարդը «Թվիթերը վերածել է հակասեմիտիզմի կենտրոնի»։ Յուրովան ընդգծել է, որ տեխնոլոգիական ընկերությունները ներկայումս ունեն «հրեշավոր ուժ»: Բացի այդ, Եվրահանձնաժողովի փոխնախագահը կարծում է, որ թվային հարթակները «եթե դրանք սխալ ձեռքում են ընկնում, սարսափեցնում են»։
