Ուզբեկստանի նախագահ Շավքաթ Միրզիյոևը երկրի վարչապետ Վիկտոր Օրբանի հրավերով պաշտոնական այցով մեկնել է Բուդապեշտ։ Այս մասին հայտնում է Ուզբեկստանի ղեկավարի մամուլի ծառայությունը։
«Ուզբեկստանի Հանրապետության նախագահ Շավքաթ Միրզիյոևը Հունգարիայի վարչապետ Վիկտոր Օրբանի հրավերով մայիսի 19-ին պաշտոնական այցով մեկնել է այդ երկիր»,- ասվում է հաղորդագրության մեջ։
Նշվում է, որ Բուդապեշտում գտնվելու ծրագիրը ներառում է բարձր մակարդակի բանակցություններ, ինչպես նաև հանդիպումներ եվրոպական պետության պաշտոնյաների և ձեռնարկությունների ղեկավարների հետ։ «Օրակարգում ընդգրկված են երկու երկրների
միջև գործնական համագործակցության և ռազմավարական գործընկերության հետագա ընդլայնման ընթացիկ հարցեր»,- հավելել են մամուլի ծառայությունից։
Այնտեղ նրանք նշել են, որ Միրզիյոևը կմասնակցի նաև Թյուրքական պետությունների կազմակերպության ոչ պաշտոնական գագաթնաժողովի միջոցառումներին։
