«Զանգեզուրի միջանցք» կոչվող նախագծի շուրջ որևէ քննարկում չկա. Թեհրանում Միջազգային երկխոսության համաժողովում հայտարարել է ՀՀ Անվտանգության խորհրդի քարտուղար Արմեն Գրիգորյանը։Գրիգորյանի խոսքերը մեջբերել է Irna իրանական լրատվական գործակալությունը, ըստ որի, հայկական կողմն այդ տերմինն անգամ չի օգտագործում։
«Անկեղծ ասած, որևէ միջանցքի մասին քննարկում չկա, մենք նույնիսկ նման տերմին չենք օգտագործում։ Բայց մենք խոսում ենք այն մասին, թե ինչպես կարող ենք բացել տարածաշրջանային հաղորդակցությունները, խաղաղություն և կայունություն բերել տարածաշրջան և նպաստել զարգացմանը»,-ասել է Գրիգորյանը։
Գրիգորյանն անդրադարձել է նաև «Խաղաղության խաչմերուկ» հայեցակարգին՝ այն ներկայացնելով որպես տնտեսական ենթակառուցվածքների զարգացման ծրագիր։
