Ճապոնիայի Նագասակի քաղաքը մտադիր է Ճապոնիայում դիվանագիտական առաքելություններ ունեցող բոլոր երկրներին ու տարածաշրջաններին, այդ թվում՝ Ռուսաստանին, հրավիրել 1945 թվականին ԱՄՆ ռազմաօդային ուժերի կողմից քաղաքի ատոմային ռմբակոծության զոհերի հիշատակի արարողությանը, ՌԻԱ Նովոստիին հայտնել են քաղաքի վարչակազմից։
Մեկ ամիս առաջ Ճապոնիայի Հիրոսիմայի իշխանությունները ՌԻԱ Նովոստիին հաստատեցին, որ այս տարի արարողության մասին ծանուցումներ կուղարկվեն բոլոր երկրներ, այդ թվում՝ Ռուսաստան և Բելառուս։
Այս տարի որոշվել է փոխել ձևաչափը և հրավերների փոխարեն ծանուցումներ ուղարկել արարողության և դրա նպատակների մասին։ Այսպիսով, բոլոր երկրները, ներառյալ նրանք, որոնք չեն հրավիրվել անցյալ տարի կամ ավելի վաղ, կստանան ծանուցումներ և կկարողանան ինքնուրույն որոշել՝ մասնակցել-չմասնակցելուն։
«Մենք նախատեսում ենք հրավերներ ուղարկել բոլոր երկրներին և տարածաշրջաններին, որոնք ունեն օտարերկրյա դիվանագիտական ներկայացուցչություններ Ճապոնիայում»,- պարզաբանել է Նագասակիի վարչակազմը՝ ի պատասխան ՌԻԱ Նովոստիի խնդրանքին, թե արդյոք քաղաքը կհետևի Հիրոսիմայի օրինակին։
