Ավստրալիայի կառավարության կողմից Կիևին խոստացված շահագործումից հանված M1A1 Abrams տանկերն արդեն «ուղևորվում են դեպի Ուկրաինա»։ Այսպիսի հայտարարություն է արել Ավստրալիայի վարչապետ Էնթոնի Ալբանեզը՝ լրագրողների համար առցանց ճեպազրույցի ժամանակ։ Ալբանեզը խոստացել է «շարունակել ռազմական աջակցություն ցուցաբերել Ուկրաինային»:
«Մենք պատրաստ ենք նաև դիտարկել «կամավորների կոալիցիայի» ցանկացած առաջարկ՝ այնտեղ խաղաղություն հաստատելուց հետո խաղաղապահ զորախումբ ուղարկելու Ուկրաինա»,- ընդգծել է նա։
Բացի այդ, վարչապետը հիշեցրել է, որ Ավստրալիան սահմանել է «ավելի քան 1400 պատժամիջոցներ Ռուսաստանի քաղաքացիների և կազմակերպությունների դեմ»։Ավելի վաղ հաղորդվել էր, որ Ավստրալիան դժվարանում է Կիև ուղարկել շահագործումից հանված 49 ամերիկյան տանկ՝ ԱՄՆ-ի կողմից պաշտոնական թույլտվության բացակայության պատճառով, որպեսզի M1A1 Abrams-ն այլ երկիր տեղափոխվի։
