Հունաստանի կառավարությունը դատական գործընթաց է սկսել Adidas ընկերության դեմ՝ Ակրոպոլիսի մերձակայքում դրոններով կազմակերպված շոուի պատճառով, որն ըստ կառավարության՝ խախտել է հնությունների պաշտպանության մասին օրենքը։ Շոուն ներկայացրել է Adidas-ի լոգոն և սպորտային կոշիկ՝ Ակրոպոլիսի տեսարանում։
Մշակույթի նախարար Լինա Մենդոնին հայտարարել է, որ շոուն տեղի է ունեցել առանց նախնական թույլտվության և Ակրոպոլիսը օգտագործվել է առևտրային նպատակներով։ «Դա կարծես Adidas-ի կոշիկը հարվածի Ակրոպոլիսին», ասել է նա, հայտնում է Reuters-ը։
Adidas-ը արձագանքել է, պնդելով, թե ստացել է բոլոր անհրաժեշտ թույլտվությունները և շոուում Ակրոպոլիսի պատկերներ չեն օգտագործվել։ Մշակույթի նախարարությունը նույնպես սկսել է հետաքննել՝ արդյոք դրոնների թռիչքի թույլտվությունը պատշաճ կերպով տրվել է։
