Ռուսաստանի և Ուկրաինայի միջև բանակցությունները շարունակվում են և պետք է անցկացվեն փակ դռների հետևում, հայտարարել է ՌԴ նախագահի մամուլի քարտուղար Դմիտրի Պեսկովը։
«Բանակցությունները շարունակվում են և պետք է ընթանան փակ դռների հետևում»,- լրագրողներին ասել է Պեսկովը։
Ռուսաստանի նախագահ Վլադիմիր Պուտինը ավելի վաղ առաջարկել էր Ուկրաինային վերսկսել ուղիղ բանակցությունները՝ առանց նախապայմանների մայիսի 15-ին Ստամբուլում։ Պետության ղեկավարը չի բացառել, որ համապատասխան բանակցությունների ընթացքում կողմերը կարող են համաձայնության գալ հրադադարի շուրջ։
Ինչպես հայտարարել է ՌԴ նախագահի մամուլի քարտուղար Դմիտրի Պեսկովը, Ռուսաստանը վճռական է լրջորեն փնտրել երկարաժամկետ խաղաղ կարգավորման հասնելու ուղիներ։ Նրա խոսքով` Ուկրաինայի հետ առաջարկվող բանակցությունների նպատակներն են վերացնել հակամարտության բուն պատճառները եւ ապահովել Ռուսաստանի շահերը։
Ռուսաստանի և Ուկրաինայի միջև բանակցություններ սպասվում էին հինգշաբթի։ Ռուսական պատվիրակությունը ժամանել է Ստամբուլ, սակայն հինգշաբթի օրը երկու երկրների ներկայացուցիչների միջեւ շփումներ չեն եղել։
