ԿԺԴՀ առաջնորդ Կիմ Չեն Ընն այցելել է Կորեայի ժողովրդական բանակի 1-ին գվարդիական ռազմաօդային ուժերի ավիագունդ, որտեղ գլխավորել է ռազմաօդային ուժերի էսկադրիլիաների մարտական վարժանքները։ Այս մասին հայտնում է Կորեայի կենտրոնական լրատվական գործակալությունը (KCNA):
Նշվում է, որ վարժանքների ընթացքում կիրառվել են ավիացիոն էսկադրիլիաների, զենիթահրթիռային ստորաբաժանումների, ռադիոտեղորոշիչ և էլեկտրոնային պատերազմի ստորաբաժանումների ՀՕՊ առաջադրանքների կատարման հմտությունները։
Զորավարժությունների ընթացքում կիրառվել է թեւավոր հրթիռների և կամիկաձե գրոհային անօդաչուների հետևում և ոչնչացում, ինչպես նաև էլեկտրոնային միջոցների կիրառմամբ հարձակողական անօդաչուների չեզոքացում և ոչնչացում։ Զորավարժությունների ընթացքում կատարվել են նաև նոր հեռահար և սահող կառավարվող ռումբի փորձարկումներ։
Ինչպես հայտնում է KCNA-ն, ԿԺԴՀ ղեկավարն ընդգծել է, որ «բանակի բոլոր մասերը պետք է արմատական փոփոխություն կատարեն պատերազմին նախապատրաստվելիս՝ մշտապես պատրաստ լինելով պատերազմի մեջ մտնելու»։
