Թուրքիայի նախագահ Ռեջեփ Թայիփ Էրդողանը հայտարարել է, որ ուկրաինական կարգավորման գործընթացը նուրբ է, և կարիք չկա որոշումներ պարտադրել կամ ճնշում գործադրել կողմերի վրա։
«Մենք բոլոր ջանքերը գործադրում ենք խնդիրը լուծելու համար: Մեր առաջնահերթությունը համապարփակ զինադադարն է: Հաշվի առնելով գործընթացի զգայունությունը, չափազանց կարևոր է կողմերին խրախուսել երկխոսության՝ առանց նրանց վրա ճնշում գործադրելու:
Սա չափազանց կարևոր է արդար և կայուն խաղաղության հասնելու համար»,- ասել է Էրդողանը Ալբանիայում Եվրոպական քաղաքական համայնքի վեցերորդ գագաթնաժողովի բացման ժամանակ։ Նախագահի ելույթը սոցցանցերում հեռարձակվել է Թուրքիայի իշխող «Արդարություն և զարգացում» կուսակցության կողմից։
