Թուրքիան ուրախ է, որ Ռուսաստանի նախագահ Վլադիմիր Պուտինը և Վլադիմիր Զելենսկին լսել են խաղաղության կոչերը, այդ թվում՝ Թուրքիայի նախագահ Ռեջեփ Թայիփ Էրդողանի կողմից, հայտարարել է Թուրքիայի արտգործնախարար Հաքան Ֆիդանը։
«Մենք կարևորում ենք նախագահ Պուտինի և Զելենսկիի խաղաղության կոչերը․ բանակցելու Ռուսաստանի և Ուկրաինայի անմիջական պատրաստակամությունը հնարավորությունների պատուհան է բացել։ Հենց սկզբից մենք ինտենսիվ միջոցներ ենք ձեռնարկել այս հակամարտությունը դադարեցնելու համար։
Ռուսաստանի և Ուկրաինայի միջև վերջին երեք տարվա ընթացքում առաջին ուղիղ բանակցություններն անցկացվում են Ստամբուլում՝ ՌԴ նախագահ Վլադիմիր Պուտինի առաջարկով։
Բանակցություններում ռուսական պատվիրակությունը գլխավորում է նախագահի օգնական Վլադիմիր Մեդինսկին։ Դրանում ընդգրկված են նաև Ռուսաստանի Դաշնության արտաքին գործերի փոխնախարար Միխայիլ Գալուզինը, ՌԴ Զինված ուժերի գլխավոր շտաբի հետախուզության գլխավոր տնօրինության պետ Իգոր Կոստյուկովը և պաշտպանության փոխնախարար Ալեքսանդր Ֆոմինը։
