ԱՄՆ նախագահ Դոնալդ Թրամփը հաստատել է, որ ԱՄՆ-ը Իրանին ներկայացրել է նոր միջուկային համաձայնագրի առաջարկ։
Ավելի վաղ Axios պորտալը, վկայակոչելով ամերիկացի պաշտոնյային, հայտնել էր, որ ԱՄՆ նախագահ Դոնալդ Թրամփի վարչակազմը բանակցությունների չորրորդ փուլի ժամանակ Իրանին ներկայացրել է միջուկային համաձայնագրի առաջարկ։
Նաև հինգշաբթի օրը Թրամփը նշել է, որ Իրանի միջուկային համաձայնագիրը մոտ է ավարտին և լավատեսություն է հայտնել, որ Թեհրանի թիրախներին ռազմական հարված կկանխվի։
«Նրանք ունեն այս առաջարկը»,- ասել է Ամերիկայի նախագահը` պատասխանելով այդ մասին լրագրողների հարցին իր ինքնաթիռում ճեպազրույցի ժամանակ։
Իրանի արտաքին գործերի նախարար Աբբաս Արաղչին հինգշաբթի օրը հայտարարել է, որ իրանական կողմը միջուկային գործարքի վերաբերյալ ԱՄՆ-ից դեռ գրավոր առաջարկներ չի ստացել։
