ԱՄՆ նախագահ Դոնալդ Թրամփի՝ Սիրիայի դեմ պատժամիջոցները չեղարկելու որոշումը պատմական է և համարձակ։ Այս մասին երկրի քաղաքացիներին ուղղված ուղերձում ասել է Արաբական Հանրապետության նախագահ Ահմեդ ալ-Շարաան։ Հեռարձակումն իրականացրել է Al Hadath հեռուստաալիքը։«Պատժամիջոցների վերացման որոշումը պատմական էր և համարձակ:
Այսօր լուրջ աշխատանք է սկսվել, և դրա հետ մեկտեղ՝ ժամանակակից Սիրիայի վերածնունդը։ Նոր Սիրիան մասնակցել է կարևորագույն միջազգային ֆորումներին և համաժողովներին, ՄԱԿ-ում բարձրացրել է իր դրոշը, կարողացել է փակ դռներ բացել և ճանապարհ հարթել արաբական և արևմտյան երկրների հետ ռազմավարական հարաբերությունների համար»,-ասել է ալ-Շարաան:
Ալ-Շարաան կրկնել է, որ «Սիրիան հավատարիմ է ներդրումային միջավայրի բարելավմանը, տնտեսական օրենսդրության զարգացմանը և անհրաժեշտ պայմանների ապահովմանը», որը թույլ կտա նպաստել վերակառուցմանը և համապարփակ զարգացմանը:
