Լիբիայի մայրաքաղաք Տրիպոլիում շարունակվում են բախումները Մահմուդ Համզայի հրամանատարությամբ գործող 444-րդ մարտական բրիգադի և հատուկ զսպման ջոկատների միջև։ Այս մասին հայտնում է Al Wasat հեռուստաալիքը։
Հակառակորդ ուժերից մեկի արձակած արկը դիպել է վարչական կենտրոնի աշտարակին, որտեղ գտնվում է միջազգային ընկերությունների ու բանկերի կենտրոնակայանը։
Libya Press գործակալության փոխանցմամբ՝ Աս-Սարաջ շրջանում կատաղի կրակահերթ է ընթանում։
Լիբիայում ՄԱԿ-ի աջակցության առաքելությունը (UNSMIL) կոչ է արել «անհապաղ և անվերապահ հրադադար» հաստատել Տրիպոլիի բոլոր քաղաքացիական շրջաններում՝ զգուշացնելով, որ շարունակվող բախումները «էլ ավելի կապակայունացնեն մայրաքաղաքը և ամբողջ երկիրը»:
Համզայի բրիգադի ուժերի բախումները, որոնք կապված են Տրիպոլիի Ազգային համաձայնության կառավարությանը (GNA) և Հատուկ զսպման ջոկատների միջև, բռնկվեցին երեքշաբթի երեկոյան՝ զորքերը ցրելու GNA-ի վարչապետ Աբդել Համիդ Դբեյբայի որոշումից հետո:
