Ուկրաինայի հարցում Եվրոպայի մոտեցումն ուղղված է պատերազմի շարունակմանը և հակասում է Մոսկվայի և Վաշինգտոնի մոտեցումներին, հայտարարել է ՌԴ նախագահի մամուլի քարտուղար Դմիտրի Պեսկովը։
«Եվրոպայի մոտեցումը հավասարակշռված չէ:
Այն բավականին պատերազմամետ է՝ ուղղված պատերազմը շարունակելուն: Եվ դա կտրուկ հակասում է այն մոտեցմանը, որը դրսևորվել է, օրինակ, Մոսկվայում կամ Վաշինգտոնում»,- ասել է Պեսկովը՝ պատասխանելով այն հարցին, թե արդյո՞ք եվրոպացի առաջնորդների համար տեղ կա Թուրքիայում բանակցությունների սեղանի շուրջ։
