Իրաքյան Քուրդիստանի ղեկավար Նեչիրվան Բարզանին անդրադարձել է Թուրքիայի կողմից ահաբեկչական ճանաչված «Քուրդիստանի բանվորական կուսակցության» (PKK-ՔԲԿ) ինքնալուծարման որոշմանը:
Բարզանին, ողջունելով համապատասխան որոշումը, այն որակել է որպես հնարավորություն, որը կարող է ամրապնդել տարածաշրջանային խաղաղությունը:
«Ես հավատում եմ, որ այն ամրապդնելու է Թուրքիայի հետ քաղաքական երկխոսությունն ամբողջ տարածաշրջանում: Ճիշտ ժամանակն է եկել խաղաղության հիմքերը դնելու համար:
Այն կարող է բացել տևական խաղաղության դռները»: Բացի այդ, Բարզանին հայտնել է խաղաղ լուծման համար ամեն տեսակ աջակցություն ցուցաբերելու պատրաստակամության մասին:
«Այն տարածաշրջանում նոր էջ է բացելու: Այս կարևոր որոշումը կարող է օգնել տարիներ ի վեր շարունակվող բռնությունն ավարտին հասցնել»:
Իրաքյան Քուրդիստանի ղեկավարը հավելել է նաև, որ բոլոր կողմերը պետք է դրական արձագանքեն այս քայլին:
