Մեծ Բրիտանիան, Ֆրանսիան և Գերմանիան պետք է ապացուցեն Իրանի հետ միջուկային համաձայնագրի շուրջ բանակցություններին մասնակցելու իրենց «լավ մտադրությունները», ՌԻԱ Նովոստիին ասել է Իրանի կառավարության խոսնակ Ֆաթեմեհ Մոհաջերանին։
«Ինչ վերաբերում է եվրոպական երկրներին, նրանք նախ պետք է ապացուցեն իրենց բարեխղճությունը, իսկ հետո մենք կշարունակենք երկխոսությունը նրանց հետ ապագա միջուկային համաձայնագրի շուրջ»,- ասել է Մոհաջերանին։
Իրանը և ԵՄ 3-ը պետք է խորհրդակցություններ անցկացնեին իրանական միջուկային ծրագրի շուրջ մայիսի 2-ին, սակայն այն բանից հետո, երբ ԱՄՆ-ը հետաձգեց Իրանի հետ բանակցությունների չորրորդ փուլը, Ֆրանսիայի արտգործնախարար Ժան-Նոել Բարրոն ասաց, որ Իրանի հետ միջուկային խնդրի շուրջ հանդիպումը չի կայանա, քանի որ «այս տեխնիկական խորհրդատվությունները նախատեսված էին մինչև ԱՄՆ-ի և Իրանի բարձր մակարդակի հանդիպումը»:
Նրա խոսքով՝ «քանի որ այս հանդիպումը չի կայացել, խորհրդակցություններն այլեւս ակտուալ չեն, գոնե առայժմ»։ Իրանի արտաքին գործերի նախարարությունը հայտարարել է, որ Թեհրանը պատրաստ է հանդիպում անցկացնել ԵՄ-3-ի հետ ԱՄՆ-ի հետ խորհրդակցությունների չորրորդ փուլից հետո։
