Թուրքիայում ահաբեկչական ճանաչված Քրդստանի աշխատավորական կուսակցությունը հայտարարել է իր լուծարման և զենքերը վայր դնելու մասին, հայտնում է Rudaw գործակալությունը։
«PKK-ն հայտնել է, որ համագումարը որոշել է ցրվել և դադարեցնել զինված պայքարը։ PKK-ի գործունեությունը դադարեցվել է»,- ասվում է հրատարակության մեջ։
PKK-ի համագումարը, որը գումարվել է իր առաջնորդ Աբդուլլահ Օջալանի զինաթափման և ցրման կոչից հետո, անցկացվել է մայիսի 5-7-ը։
Փետրվարին Օջալանը, ով 1999 թվականից ցմահ բանտարկություն է կրում Մարմարա ծովի Իմրալի կղզում, կոչ է արել PKK-ին ցրվել։ Կուսակցությունը մարտի 1-ին հայտարարեց Թուրքիայի դեմ հրադադարի մասին, իսկ մայիսին խոստացավ համագումար անցկացնել՝ քննարկելու լուծարման հարցը։
