Առնվազն հինգ մարդ է զոհվել և ավելի քան 10-ը վիրավորվել Պակիստանի կողմից կառավարվող Քաշմիրում, երբ սահմանազատման գծի երկայնքով բախվել են հնդկական և պակիստանյան զորքերը: Այս մասին հայտնում է Geo հեռուստաալիքը։
Պակիստանի և Հնդկաստանի զինված ուժերը ողջ գիշեր կրակ են բացել հսկողության գծի երկայնքով մի քանի հենակետերի ուղղությամբ։ Հոդվածում նշվում է, որ հնդկական կողմից գնդակոծությունն ուղղված է եղել քաղաքացիական բնակավայրերի ուղղությամբ։
Ավելի վաղ հնդկական բանակը հայտնել էր Պակիստանի հետ սահմանին մայիսի 9-ի գիշերը բազմաթիվ միջադեպերի մասին։ Ըստ Հնդկաստանի զինված ուժերի՝ Պակիստանը հանրապետության վրա հարձակվել է անօդաչու թռչող սարքերի և այլ զինատեսակների միջոցով։
Հարվածները հետ են մղվել։ Ոչ պաշտոնական տվյալներով՝ հնդկական հակաօդային պաշտպանության համակարգերը պակիստանյան մոտ 50 անօդաչու թռչող սարք են խոցել։
