Զիմբաբվեի Հանրապետության նախագահ Էմերսոն Մնանգագվան իր այցը Ռուսաստան և ՌԴ նախագահ Վլադիմիր Պուտինի հետ բանակցությունները հաջող և արդյունավետ է որակել։ Այս մասին նա հայտարարել է պետական ZBC հեռուստաալիքին տված հարցազրույցում։
«Կարծում եմ, որ այս այցը հաջող և արդյունավետ էր, քանի որ մենք կարողացանք Վլադիմիր Պուտինի հետ քննարկել այն կարիքները, որոնք ունեն զիմբաբվեցիները, և որոնք, կարծում ենք, Ռուսաստանը կարող է օգնել մեզ բավարարել մեր ազգի զարգացման համար: Հարարեի և Մոսկվայի միջև կան գերազանց հարաբերություններ:
Ես հնարավորություն ունեցա հանդիպելու իմ սիրելի եղբոր՝ նախագահ Պուտինի հետ և քննարկելու մեր համագործակցային հարաբերությունները»,-ասել է նա՝ հավելելով, որ Հաղթանակի օրը պատմական և հայրենասիրական խոր նշանակություն ունի՝ խորհրդանշելով տոկունություն և ազգային հպարտություն։
