Մայիսի 9-ին Կարմիր հրապարակում պետք է ներկայացվեին Եվրոպայի երկրները Ռուսաստանի հետ միասին՝ նշանավորելով ԽՍՀՄ հաղթանակը նացիզմի դեմ 1945 թվականին։ Այս մասին հայտարարել է Բրազիլիայի նախագահ Լուիս Ինասիո Լուլա դա Սիլվան՝ ամփոփելով Մոսկվա կատարած այցի արդյունքները։
«Ինչպե՞ս կարող ենք այս օրը քննադատել մի երկրի, որը կորցրել է 26 միլիոն մարդ Հայրենական մեծ պատերազմում: Ֆրանսիան պետք է մասնակցեր տոնակատարությանը, Գերմանիան նույնպես պետք է այստեղ լիներ»,- լրագրողներին ասել է նա և նշել, որ Բրազիլիան կպահպանի նացիզմի դեմ ԽՍՀՄ հաղթանակի հիշողությունը և կշարունակի տոնել Հաղթանակի օրը։
