Մայիսի 9-ի լույս 10-ի գիշերը Պակիստանը բազմաթիվ անօդաչու թռչող սարքեր է արձակել Հնդկական միության Ջամու և Քաշմիրի տարածքի բնակելի թաղամասեր՝ վտանգելով խաղաղ բնակիչներին և կրոնական վայրերը: Այս մասին հայտնել է Հնդկաստանի պաշտպանության նախարարության հասարակայնության հետ կապերի վարչությունը։
«2025 թվականի մայիսի 10-ին Պակիստանը շարունակեց իր ռազմական գործողությունները՝ թիրախավորելով պաշտամունքի վայրերը, ինչպիսիք են հայտնի Շամբհու տաճարը և Ջամուի բնակելի թաղամասերը», - ասել են զինվորականները:
Հնդկաստանի պաշտպանության նախարարության տվյալներով՝ Պակիստանը մեկ գիշերվա ընթացքում գործարկել է «բազմաթիվ զինված անօդաչու թռչող սարքեր՝ վտանգելով խաղաղ բնակիչներին և կրոնական վայրերը»։
«Հնդկաստանի զինված ուժերը մնում են զգոն և վճռական՝ պաշտպանելու երկրի ինքնիշխանությունը», - ընդգծել է Հնդկաստանի պաշտպանության նախարարությունը։
