Մայիսի 9-ին ՌԴ դեսպանատուն կատարած այցի ժամանակ Հյուսիսային Կորեայի առաջնորդ Կիմ Չեն Ընը նշել է, որ ԿԺԴՀ-ն Հաղթանակի օրը համարում է Ռուսաստանի հետ ընդհանուր տոն և կիսում է դրա ուրախությունը «դաշնակից պետության ընկերների հետ»։ Այս մասին հայտնում է Կորեայի կենտրոնական լրատվական գործակալությունը (KCNA):
Մայիսի 9-ին ԿԺԴՀ Պետական գործերի նախագահը դստեր հետ այցելեց Փհենյանում Ռուսաստանի դեսպանատուն՝ փոխանցելու Ժողովրդական Հանրապետության ողջ ղեկավարության՝ ներառյալ կուսակցության, կառավարության և խորհրդարանի շնորհավորանքները։
«Ընկեր Կիմ Չեն Ընն ասել է, որ մեր պետությունն ու ժողովուրդը մայիսի 9-ը, որը ռուս ժողովրդի արյան գնով անգին հաղթանակի օրն է հայրենիքի և մարդկության ճակատագրի համար, համարում են երկու երկրների՝ ԿԺԴՀ-ի և Ռուսաստանի Դաշնության համար ընդհանուր տոն», - հաղորդում է KCNA-ն:
«Մայիսի 9-ը տոն է ռուս ժողովրդի համար, տոն է ողջ մարդկության համար, տոն է կորեացի ժողովրդի, ինչպես նաև ինձ համար»,- գործակալությունը մեջբերում է Կիմ Չեն Ընի խոսքերը մեկ այլ հրապարակման մեջ։
