Առաջիկայում բոլոր ինտրիգային հարցերին կանդրադառնամ մեկ առ մեկ։ Հայտարարում է Երևանի ավագանու արտահերթ ընտրություններին մասնակցող «Մեր քաղաքը» դաշինքի ղեկավար, ԱԺ պատգամավոր Մարտուն Գրիգորյանը։
Նրա խոսքով, լուրջ ճնշում է սկսել իր թիմակիցների, ընկերների հետ, նրանցից մի քանիսն ազատել են աշխատանքից։
«Ու նաև առաջիկայում սպասում եմ էլի պրոցեսների, որի արդյունքում հավաքական մի հատ էլ պատասխան կուտեն այդ քայլերի համար։ Հասկանալի է՝ չեն մարսում, բայց պիտի հաշվի նստեն գյումրեցիների հետ, ընտրությունների ժամանակ ստացած քվեների հետ։ Ամեն դեպքում քաղաքում ավելի շատ ՔՊ չուզող ժողովուրդ կա։ 47 հազար մարդ մասնակցել է ընտրություններին, 17 հազարը քվեարկել է նրանց օգտին, մնացածը «Քաղաքացիական պայմանագիր» չեն ուզել»,-ասաց նա։
Անդրադառնալով այն դիտարկմանը, թե ՔՊ-ն հայտարարում է՝ իրենք հաղթել են, Գրիգորյանը նկատեց, դե թող ուրախանան այդ հաղթանակով։
«Ինչո՞ւ են ուզում Գյումրի քաղաքաը տակնուվրա անել»,-ասաց նա։
