Ռուսաստանի նախագահ Վլադիմիր Պուտինը Մոսկվայում Հաղթանակի շքերթի բացմանը ելույթով դիմել է վետերաններին և զինծառայողներին: «Ճշմարտությունն ու արդարությունը մեր կողմն են։ Ամբողջ երկիրը, հասարակությունը, ժողովուրդը աջակցում են հատուկ ռազմական գործողության մասնակիցներին։
Մենք հպարտանում ենք նրանց քաջությամբ և վճռականությամբ։ Ոգու այն ուժով, որը մեզ միշտ միայն հաղթանակ է բերել», - ասել է քաղաքական գործիչը։Նա նաև ընդգծել է, որ Ռուսաստանը հիշում է Երկրորդ համաշխարհային պատերազմի դասերը և երբեք չի համաձայնի դրա պատմության խեղաթյուրմանը:
Պետության ղեկավարը հավելել է, որ երկիրը եղել է և կլինի անխորտակելի խոչընդոտ նացիզմի, ռուսատյացության և հակահրեականության համար:
