Հունգարիան չի աջակցի ռուսական էներգակիրների մատակարարումներից հրաժարվելու Եվրահանձնաժողովի ծրագրին, սակայն չի կարողանա կանխել դրա հաստատումը Եվրամիությունում, եթե այն ընդունվի ոչ թե կոնսենսուսով, այլ ձայների մեծամասնությամբ։
Այս մասին հայտարարել է Հունգարիայի վարչապետ Վիկտոր Օրբանը՝ ելույթ ունենալով Kossuth ռադիոկայանի առավոտյան հաղորդման ժամանակ։
«Նրանք կարող են այն ընդունել որակյալ մեծամասնությամբ»,- ասել է կառավարության ղեկավարը՝ անդրադառնալով Բրյուսելի առաջարկին՝ առաջիկա տարիներին դադարեցնել Ռուսաստանից գազի, նավթի և միջուկային վառելիքի մատակարարումները։
Օրբանը նշել է, որ Եվրահանձնաժողովի այս նախաձեռնությունն ուղղված է Հունգարիայի դեմ, քանի որ այն չի աջակցում ԵՄ-ին Ուկրաինայի անդամակցությանը։
Վարչապետը կարծում է, որ Բրյուսելի ծրագիրը կհանգեցնի էներգակիրների գների բարձրացմանը։
