ԿԺԴՀ-ի առաջնորդ Կիմ Չեն Ընը դստեր հետ և բարձրաստիճան կուսակցական և պետական պաշտոնյաների ուղեկցությամբ այցելել է Փհենյանում Ռուսաստանի դեսպանատուն՝ նշելու Հայրենական մեծ պատերազմում տարած հաղթանակի 80-ամյակը։ Այս մասին հայտնում է Կորեայի կենտրոնական լրատվական գործակալությունը (KCNA):
ԿԺԴՀ ղեկավարն իր շնորհավորական խոսքում ընդգծել է, որ «խորհրդային ժողովրդի հաղթանակը ֆաշիզմի նկատմամբ աննախադեպ ու վճռական ազդեցություն է ունեցել ողջ մարդկության ճակատագրի ու ապագայի վրա»։
Շնորհավորելով ռուս ժողովրդին տոնի առթիվ՝ Կիմ Չեն Ընը խոստացել է, որ «Փհենյանն ու Մոսկվան միշտ միասին կլինեն»՝ ընդգծելով, որ ԿԺԴՀ-ի և Ռուսաստանի միջև ռազմավարական հարաբերություններն ու բարեկամությունը հասել են «իսկական զինակից եղբայրների»։
