ՄԱԿ-ի Գլխավոր ասամբլեայի բանաձեւերը, որոնք ուղղված են նացիզմի դեմ պայքարին, արտացոլում են միջազգային հանրության դիրքորոշումն այս հարցում։
Այս մասին ճեպազրույցում ասել է Չինաստանի ԱԳՆ պաշտոնական ներկայացուցիչ Լին Ցզյանը՝ մեկնաբանելով ՌԴ նախագահ Վլադիմիր Պուտինի հայտարարությունը, որ Մոսկվայում կայացած բանակցություններից հետո Ռուսաստանի և Չինաստանի առաջնորդների համատեղ հայտարարության հիմնական շարժառիթը նացիզմի և միլիտարիզմի վերածնման փորձերին հակազդելն է։
«ՄԱԿ-ի Գլխավոր ասամբլեան ճնշող մեծամասնությամբ կողմ է քվեարկել նացիզմի դեմ պայքարի վերաբերյալ համապատասխան բանաձեւերին, որոնք արտացոլում են միջազգային հանրության դիրքորոշումն այս հարցում»,- ասել է Չինաստանի ԱԳՆ պաշտոնական ներկայացուցիչը։
