Հնդկաստանի սահմանամերձ շրջաններում Պակիստանի հրետակոծության հետևանքով զոհերի թիվը հասել է 11-ի, ասել է Ջամու և Քաշմիրի Պունչ շրջանի բարձրաստիճան ոստիկանը:
Ավելի վաղ Հնդկաստանի պաշտպանության նախարարությունը հայտարարել էր, որ սկսել է «Sindoor» օպերացիան՝ ի պատասխան Պահալգամի հարձակման՝ թիրախավորելով Պակիստանում «ահաբեկչական ենթակառուցվածքը»:
Գերատեսչությունը հայտարարել է, որ գործողության ընթացքում Պակիստանի ոչ մի ռազմական օբյեկտ չի հարձակվել։ Իր հերթին Պակիստանի իշխանությունները հայտարարել են, որ Հնդկաստանը հարձակվել է Պակիստանի հինգ բնակավայրերի վրա, որոնց հետևանքով առնվազն 24 մարդ է զոհվել, 46-ը՝ վիրավորվել։
Ավելի ուշ Հնդկաստանի իշխանությունները հայտնել են, որ ի պատասխան ահաբեկիչների տեղամասերին հասցված հարվածի՝ Պակիստանը հրետանային հարված է հասցրել Ջամուի և Քաշմիրի սահմանային շրջաններին։ Հնդկաստանի պաշտպանության նախարարությունը չորեքշաբթի առավոտյան հայտնել է, որ գնդակոծության հետևանքով զոհվել է առնվազն երեք խաղաղ բնակիչ։
