Վենեսուելայի նախագահ Նիկոլաս Մադուրոն չորեքշաբթի ժամանել է Կրեմլ՝ Ռուսաստանի նախագահ Վլադիմիր Պուտինի հետ բանակցությունների համար։
Ինչպես ավելի վաղ հայտնել էր ՌԴ նախագահի օգնական Յուրի Ուշակովը, Կրեմլում բանակցություններից հետո նախատեսվում է ստորագրել ռազմավարական գործընկերության եւ համագործակցության միջպետական համաձայնագիր։
Մադուրոն Մոսկվա է ժամանել մայիսի 7-ին, բանակցություններից հետո նա կմնա Ռուսաստանում՝ մասնակցելու Հայրենական մեծ պատերազմում հաղթանակի 80-ամյակին նվիրված միջոցառումներին։ Մադուրոյի հետ Ռուսաստան է ժամանել ներկայացուցչական պատվիրակություն՝ ներառյալ կառավարության նախարարները և բարձրաստիճան զինվորականները։
