Չորեքշաբթի առավոտվանից Գազայի հատվածին իսրայելական հարվածների հետևանքով զոհվել է գրեթե 40 մարդ, այդ թվում՝ առնվազն 19-ը՝ Գազա քաղաքի դպրոցի վրա հարվածների հետևանքով, հայտնում է Al-Jazeera-ն՝ վկայակոչելով պաղեստինյան բժշկական աղբյուրները:
«Չորեքշաբթի առավոտից Իսրայելի կողմից Գազայի հատվածին հասցված հարվածների արդյունքում 36 մարդ է զոհվել»,- հայտնել են աղբյուրները։
Գազայի հատվածի առողջապահության նախարարության տվյալներով՝ մարտի 18-ից, երբ Իսրայելը վերսկսել է հրթիռակոծությունը, Գազայում ավելի քան 2500 մարդ է զոհվել, ավելի քան 6700-ը՝ վիրավորվել։
Մարտի 18-ի գիշերը Իսրայելի պաշտպանության բանակը վերսկսել է հարվածները Գազայի հատվածին։ Իսրայելի վարչապետ Բենիամին Նեթանյահուն ասել է, որ հարձակումները շարունակվում են, քանի որ պաղեստինյան ՀԱՄԱՍ շարժումը հրաժարվել է ընդունել հրադադարը երկարաձգելու և պատանդներին ազատելու ԱՄՆ ծրագիրը։
Իսրայելի և ՀԱՄԱՍ-ի միջև հրադադարը պաշտոնապես ավարտվել է մարտի 1-ին, սակայն մարտերը չեն վերսկսվել միջնորդների փորձերի պատճառով՝ կողմերին ներգրավելու Գազայի կարգավորման շուրջ բանակցությունները շարունակելու համար։
