Չորեքշաբթի՝ մայիսի 7-ին, նավթի համաշխարհային գները բարձրացել են ավելի քան 1%-ով, իսկ Հյուսիսային ծովի Brent տեսակի նավթի մեկ բարելի գինը գերազանցել է 63 դոլարը։ Այս մասին հաղորդում է TASS-ը՝ հղում անելով առևտրային տվյալներին։
Սա տեղի ունեցավ ապրիլի 30-ից ի վեր առաջին անգամ։ Brent տեսակի նավթի հուլիսյան ֆյուչերսների գինը բարձրացավ 1.45%-ով՝ հասնելով մեկ բարելի համար 63.05 դոլարի, մինչդեռ WTI տեսակի նավթի հունիսյան ֆյուչերսները բարձրացան 1.62%-ով՝ հասնելով 60.05 դոլարի։
Ռուսաստանի նախագահի մամուլի քարտուղար Դմիտրի Պեսկովը ճեպազրույցի ժամանակ հայտարարել է, որ նավթի գները չեն ազդում Ռուսաստանի ազգային շահերի նկատմամբ վերաբերմունքի վրա։ Այսպես է նա մեկնաբանել Սպիտակ տան ղեկավար Դոնալդ Թրամփի խոսքերը՝ հումքի գնի ազդեցության մասին Մոսկվայի՝ Ուկրաինայում հակամարտությունը լուծելու ցանկության վրա։ Միաժամանակ, Կրեմլի ներկայացուցիչը հավելել է, որ նավթի միջազգային գները կարևոր գործոն են Ռուսաստանի տնտեսության համար։
Թարգմանությունը՝ Euromedia24.com-ի
