Իսրայելի ռազմաօդային ուժերը նոր ճշգրիտ հարված են հասցրել Լիբանանին, որի արդյունքում ոչնչացվել է պաղեստինյան արմատական ՀԱՄԱՍ շարժման տեղական ստորաբաժանումներից մեկի հրամանատարը։ Այս մասին հայտնել է Իսրայելի պաշտպանության բանակի մամուլի ծառայությունը։
Նրա հայտարարության համաձայն՝ հարվածը հասցվել է լիբանանյան Սաիդա քաղաքի արվարձաններին, և դրա նպատակն էր վերացնել Խալիդ Ահմադ Ահմադին, որը ղեկավարում էր Լիբանանում ՀԱՄԱՍ-ի ռազմական թևի արևմտյան բրիգադը։
«Պատերազմի ողջ ընթացքում ահաբեկիչը բազմաթիվ ահաբեկչություններ է իրականացրել իսրայելցի խաղաղ բնակիչների և Իսրայելի պաշտպանության բանակի զինվորների դեմ։
Վերջերս նա զբաղվել է զենքի մաքսանենգությամբ և ահաբեկչական հարձակումներ իրականացրել Իսրայել պետության դեմ։ «Ահմադի ահաբեկչական գործողությունները վտանգ են ներկայացնում Իսրայելի պետության և նրա քաղաքացիների համար»,- ասել են զինվորականները:
