ՄԱԿ-ի գլխավոր քարտուղար Անտոնիո Գուտերեշը Հնդկաստանին և Պակիստանին կոչ է արել առավելագույն զսպվածություն ցուցաբերել, քանի որ աշխարհը չի կարող իրեն թույլ տալ ռազմական առճակատում երկու երկրների միջև: Այս մասին ասված է ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկի հայտարարության մեջ։
«Գլխավոր քարտուղարը շատ անհանգստացած է վերահսկողության գծի և միջազգային սահմանի երկայնքով Հնդկաստանի ռազմական գործողություններով:
Նա երկու երկրներին էլ կոչ է անում առավելագույն ռազմական զսպվածություն ցուցաբերել։ Աշխարհը չի կարող իրեն թույլ տալ ռազմական առճակատում Հնդկաստանի և Պակիստանի միջև»,- ասվում է հայտարարության մեջ։
