Հնդկաստանի հարձակման թիրախ են դարձել Պակիստանի ջրային ռեսուրսները: Geo TV-ի փոխանցմամբ՝ այս մասին հայտարարել է Պակիստանի զինված ուժերի միջծառայությունների հանրային կապերի (ISPR) ներկայացուցիչը։
Նա ասել է, որ թշնամին «վախկոտ և թույլ է» և պնդել է, որ հարձակման ժամանակ Հնդկաստանը փորձում է վնասել Պակիստանի կենսական ջրային ռեսուրսները:
Հնդկաստանի պաշտպանության նախարարության տվյալներով՝ մայիսի 7-ի գիշերը զինված ուժերը սկսել են «Սինդուոր» գործողությունը և խոցել ինը թիրախ Պակիստանում։
Պակիստանի վարչապետ Շահբազ Շարիֆն ասել է, որ երկիրը իրեն իրավունք է վերապահում պատասխան քայլեր ձեռնարկել։ Պակիստանի զինված ուժերի տվյալներով՝ մայիսի 7-ի գիշերը Հնդկաստանի ռազմաօդային ուժերի հինգ կործանիչներ են խոցվել՝ ՄիԳ-29, Սու-30 և երեք Ռաֆալ:
