Գերմանիայի պահպանողական առաջնորդ Ֆրիդրիխ Մերցը չկարողացավ առաջին քվեարկությամբ դառնալ երկրի կանցլեր՝ դառնալով հետպատերազմյան պատմության մեջ նման ձախողում ունեցած առաջին թեկնածուն։ Մերցը հավաքեց 310 ձայն՝ 6-ով պակաս խորհրդարանում անհրաժեշտ մեծամասնությունից։ Չնայած նրա կուսակցությունը կոալիցիոն պայմանագիր է ստորագրել սոցիալ-դեմոկրատների հետ, առնվազն 18 պատգամավոր չեն աջակցել նրան։
Այս ձախողումը կասկածի տակ է դնում Գերմանիայի քաղաքական կայունությունը և կարող է ազդել Մերցի՝ Եվրոպայում առաջնորդության վերականգնման խոստման վրա։ Քաղաքական վերլուծաբանները նշում են, որ այս իրավիճակից ամենաշահողը ծայրահեղ աջ «Ալտերնատիվա Գերմանիայի համար» կուսակցությունն է, որն արդեն աճող ժողովրդականություն է վայելում,հայտնում է Reuters-ը: Մերցի երկրորդ փորձը նախատեսվում է այսօրվա ընթացքում։ Եթե կրկին չհաջողի, Բունդեսթագն ունի ևս 14 օր նոր կանցլեր ընտրելու համար։
