Փետրվարյան ընտրություններում հաղթած Քրիստոնեա-դեմոկրատական և Քրիստոնեա-սոցիալական միության (ՔԴՄ/ՔՍՄ) դաշինքի առաջնորդ Ֆրիդրիխ Մերցը չի կարողացել ապահովել անհրաժեշտ բացարձակ մեծամասնությունը՝ Բունդեսթագի քվեարկության առաջին փուլում կանցլեր ընտրվելու համար, ասել է խորհրդարանի խոսնակը։
ՔԴՄ/ՔՍՄ դաշինքին և Սոցիալ-դեմոկրատներին (SPD) ավելի վաղ հաջողվել էր համաձայնության գալ Գերմանիայում նոր կառավարություն ձևավորելու կոալիցիոն համաձայնագրի շուրջ։
Փետրվարի 23-ին Գերմանիայում տեղի ունեցան արտահերթ խորհրդարանական ընտրություններ, որոնց բոլոր 299 ընտրատարածքներում քվեաթերթիկների հաշվարկից հետո հաղթանակած դուրս եկավ ՔԴՄ/ՔՍՄ դաշինքը։
«Այլընտրանք Գերմանիայի համար» (AfD) կուսակցությունն ընտրություններում զբաղեցրել է երկրորդ տեղը՝ ռեկորդային՝ 20,8 տոկոս արդյունքով։
SPD-ն զբաղեցրել է երրորդ տեղը՝ հավաքելով ձայների 16,4 տոկոսը, ինչը կուսակցության պատմության վատագույն արդյունքն է:
Բացի այդ, խորհրդարան են անցել նաեւ Կանաչները (11,6%), Ձախ կուսակցությունը (8,8%), դանիա-ֆրիզիական փոքրամասնության կուսակցությունը՝ Հարավային Շլեզվիգի ընտրողների միությունը, որը մեկ անդամով ստացել է խորհրդարանում մեկ տեղ։
