ԱՄՆ-ի Հարվարդի համալսարանը կդադարի լինել պետական ֆինանսավորվող հաստատություն և չի ստանա նոր դրամաշնորհներ կառավարությունից, ասել է ԱՄՆ կրթության նախարար Լինդա Մաքմահոնը Հարվարդի նախագահ Ալան Գարբերին ուղղված նամակում։
Նախարարն ասել է, որ համալսարանը «ծաղրում է ԱՄՆ բարձրագույն կրթության համակարգը»՝ հրավիրելով օտարերկրյա ուսանողների, ովքեր բռնություն են գործում իր համալսարանում:
«Հարվարդը չպետք է դրամաշնորհների սպասի դաշնային կառավարությունից, քանի որ դրանք այլևս չեն տրամադրվելու: Հարվարդը կդադարի լինել դաշնային ֆինանսավորվող հաստատություն»,- ասվում է նամակում, որը տեղադրվել է McMahon-ի X էջում։
