Բրազիլիայի նախագահ Լուիս Ինասիո Լուլա դա Սիլվայի վարչակազմը ցանկանում է միջնորդ հանդիսանալ ուկրաինական հակամարտության կարգավորման բանակցություններում, քանի որ դրան վերջ տալու ԱՄՆ-ի ջանքերը մինչ այժմ չեն տվել կոնկրետ արդյունքներ: Այս մասին հայտնում է բրազիլական O Globo թերթը՝ հղում անելով հարավամերիկյան հանրապետության կառավարության աղբյուրներին։
Նրանց կարծիքով՝ Հաղթանակի օրվա տոնակատարություններին մասնակցելու համար Լուլա դա Սիլվայի Մոսկվա կատարելիք այցը պետք է ցույց տա Բրազիլիայի արտաքին քաղաքականության անկախությունը։ Երկրի ղեկավարը կարող է ռուսական կողմին առաջարկել նաև բրազիլական դիվանագիտության հնարավորությունները՝ Ուկրաինայում իրավիճակը կարգավորելու համար, գրում է թերթը։
Ինչպես նշում է նա, Բրազիլիայում կարծում են, որ Սպիտակ տունը չի կատարել հակամարտությունը դադարեցնելու իր խոստումները, ուստի, Բրազիլիայի իշխանությունները պատրաստ են միջնորդի դեր ստանձնել։ Միևնույն ժամանակ, Բրազիլիայի կառավարությունն ավելի մեծ ցանկություն է տեսնում հակամարտության կարգավորմանը հասնելու Ռուսաստանի, այլ ոչ թե Եվրամիության կամ Կիևի:
